Thursday, January 01, 2009

New Year Party

video

Tuesday, January 09, 2007

Naye Ashar

KRISHNA KI SEEKH MILI ARJUN KO TO GEETA HAI PAI JAGNE,
JEEVAN KO SARTHAK KARKE, SAMARTH BANNE KI RAAH PAI HAI JAGNE,
DADA NE JO VICHAAR DEEYE HEIN HUMEIN, USSE SAMAJH AAI HAI GEETA,
DHARM AUR SANKRITI KE PATH PAR MANUSHYA KAISE HAI JEETA. (WROTE FOR GEETA JAYANTI)


ZINDAGI KI BAHARON KA EK HAK MUJHKO BHI HAI,
JEENE NIKLA HOON PHOOL BANKAR, MEHEK NE KA HAK MUJHKO BHI HAI,
PHIR MURJAKAR RAHOONGA KITAABE-ISHQ MEIN,
GULAB HOON EK BAAR KHILNE KA HAK MUJHKO BHI HAI.


IRAADE BULAND HO TO NAMUMKIN KUCH NA HOGA,
AAJ SITARE HEIN DAMAN MEIN TO KAL CHAND BHI HOGA.

Saturday, April 29, 2006

GALE LAGAYAA.....

Ghamon ne ansoo bahakar mujse ye kaha,
Saath na chhodo hamara tumse ye he iltaja,
Tumhare saath rehkar humbhi muskurane lage the,
Tum jab humein bayan karke logon ko hasane lage the,
Ab pad chuki hai aadat hamein muskurane ki,
Bhala har gham ko saza kyun ho rulane ki,
Ye sunkar humne ghamon ko gale se lagaya,
Phir kai mehfilon mein humne logon ko hansaya.

Wednesday, September 29, 2004

Bahar....

Zindagi ki kadi dhup ko aise mausam ka hai intezar,
Jo khud jaa kar bhi chhod jaaye zindagi mein bahar.

Saturday, September 25, 2004

Hamari Ghalti...

Hamari ghalti ye ki humne matlab se pyar nahi kiya,
Ya ye thi ghalti ki apni zubaan se dilon par vaar nahi kiya,
Ek baar basaya jisko bhi dil mein to usse kabhi bahar nahi kiya,
Shayad ye thi ghalti ke sabpe vishwas kiya to kuch accha nahi kiya,
Apno ya gairon ki cchodiye humne to mazhab ka bhi fark nahi kiya,
Thokar khakar bhi muskuraye aur muft mein gham bhi paaya,
Phir bhi hai khushnasibi apni ke hamein pyar karna aise hi aaya.

Kaisa Fark....

Kuch fark apno mein dekha, kuch dekha gairon mein,
Jise humne hamesha hansaya, Woh hi aansoo laya aankhon mein.

Monday, September 13, 2004

Rakshabandhan

Pyar se jo mila aisa bandhan hai ye,
Jiski karo raksha uss se sambandh hai ye,
Aisa hai ye dhaga jo kabhi chhutta nahi,
Aisa hai ye naata jo kabhi tootta nahi,
Bhai se behen ko tohfa hai ye,
Behno ke hak ka mouka hai ye.

Saat Phere....

Saat pheron ke saat vachan, Saaton vachan ke saat saal,
Abhi to ye shuruvaat hai tum aage dekho kamaal.

On 7th Anniversary for my Habbi.

Aapka Pyar

Chhoti si tu behna meri,
Par ab hai saheli bhi,
Jija ki tu saali hai,
Par jiski tu beti bhi,
Bhanjiyon ko diya maasi ka pyar,
Par tu hai maa si bhi,
Seedha sa rehen tera,
Par tujmein khubiyan bhi,
Tujhe dekhne ko rahun hamesha bekarar,
Kal bhi thi aur hun aaj bhi,
Khub mile khushiyan tujhe,
Aur aangan mein kilkari bhi,
Yahi mera aashirwad tujhe,
Aur yahi mera pyar bhi.

This Shayari is not written by me
but written for me by my sis Rekha Pattni.

Maang Liya !!

Humne dekha muskurake to haath maang liya,
Zindagi ke har safar mein humsafar bana liya,
Ab kya tohfa dein hum tumhein ye to kaho,
Yun to tumne humse umrabhar ka saath maang liya.

Wednesday, July 21, 2004

Arz kiya hai....!

Jo sulja sako to hi aana hamari zindagi mein,
Kyunki uljane khud ulaj kar reh gayi hein hamari uljano mein.

Dekar khushnasibi apni maang liye hein gham,
Ab koi aansoo tapke nahin ab na ho aankh nam,
Har pal hai khush rehna, tumhein hai kasam,
Jiye hein tumhare liye ab marenge bhi sanam,
Pyar mein jo itna bhi na kar payenge hum,
To maut bhi na aayegi aur naa hi ji sakenge hum.

Aap itni khushiyan paakar bhi sog manate hein,
Aur hum hein ki apne gham bayan karke logon ko hasate hein.


Thursday, July 08, 2004

"Ishwar"

Uth khada ho aage badh prabhu karm kar,
Keval lekar naam Ish ka milte nahin Ishwar,
Mati ko teri gati ko teri mili hai aisi dagar,
To himmat se tera haath na chhute, tu na kissi se dar,
Rishiyon ka tu rind na bhule, aisa jeevan kar,
Sadvicharon ki dor ko thame chal tu jeevan bhar,
Manav banne ka jo mila hai lele tu avsar,
Manav gaurav ko badhakar, sabse tu milkar,
Prabhuprem ki jyot jala, aisi bhakti kar,
Bhav se tere, kruti se teri khush ho "Yogeshwar".

Saturday, June 26, 2004

Kyun hai ?...

Dil pe ek bojh sa kyun hai,
Khush hun toh aankh nam kyun hai,
Jis mod par bhi chahun sambhalna,
Dil aur machalta kyun hai,
Kaisa hai ye chahat ka silsila,
Paakar sab kuch phir ye dil chahta kyun hai,
Aakhir kya chahti hai zindagi mujhse,
Koi baat ki kami nahin to itna gham kyun hai.

Sunday, June 20, 2004

Muskurate Raho....

Iss khushi ka dil pe kya hai asar,
Agar tu jaane to tujko ho khabar,
Pyaar karte hein tumse kitna,
Marte hein tumpe kis kadar,
Agar ho bharosa, kuch yakin ho humpar,
Chahat hai yahi ki muskurate raho umrabhar.


Aapki khushiyaan hum manane lage,
Aapke waade hum nibhane lage,
Inn salo mein pal pal badhti chahaton se,
Dekhiye aap bhi muskurane lage,
Yaad rakhna ke zaaya nahi jaati ye mohabbat,
Aapki ek hasi se hum bhi khi-khilaane lage.

Wednesday, June 09, 2004

Mohabbat Ho Tum....


Mere dil mein basi hararat ho tum,
Meri aankhon ko mili shararat ho tum,
Dekhun tumhein to paalun mein duniya,
Na milo to milne ki baghavat ho tum,
Tumhari khamoshi keh jaati hai kai baatein,
Jise yaad karta hai dil kai raatein,
Tumhare nanhe nanhe se haath aur badi badi baatein,
Yaad reh jaati hein tumse hui sab mulakatein,
Ummeed ho hamari aanewala kal ho tum,
Hamare dilon mein basi mohabbat ho tum.

Sunday, May 30, 2004

Bhagwan Hai Tumhare Saath....


Hazaaron tokriyaan zindagi ki
Aur laakhon phool khushiyon ke,
Baadal se bhi bade khwab
Aur aasma jitni shakti,
Arzoo tumhari ho nadi jitni
Aur mile duvayein tumhein sagar bharke,
Pyaar ki rahe hamesha barsaat
Puri ho tumhari har muraad,
Aur maang sako to maangna
Bhagwan hai tumhare saath.
~ Sagar


Waqt ki ret se yaadon ke gharonde ban hi jaate hein,
Jo chaho to kabhi mitte nahin, kabhi na chaho to toot se jaate hein.

Hum Kya Hein ?

Hum jo the woh ab rahe nahin,
Ab jo hein woh hum huwe nahin,
Kaise dorahe se guzarti hai zindagi,
Kal kya the, kal kya honge aur aaj ki kuch khabar nahin.
~ Sagar

Sunday, May 02, 2004

Kaisa Rishta....


Dil se jo tum nikal gaye to zehen se bhi nikal jaoge,
Na banpaye jo kisike to jee kar kya ban paoge,
Jo na matlab ho tumhein pyar se, na zaroorat jazbaaton ki,
To kya vishwaas dilaoge kisiko aur kaisa rishta nibhaoge.

Chaahat

Har saans par mile tumhein raahat,
Dil mein basi rahe sabke liye chahat,
Pyar hai jinse na cchute uska haath,
Aur kadam kadam par ho apno ka saath,
Cchulo jo tum aasma to na bhulo zameen ko,
Khushiyaan mile itni ke baant sako sabko.

Dil toda phir ek baar to kya,
Mein khush rahun ya rahun khafa to kya,
Kise fark padta hai meri baicheni se,
Kisi din mar bhi jaoon to kya.

Kya Tumhe Hai Khabar ?

Pyar mein rang kar tere, cchai hai bahar,
Ke holi bhi mange, mujhse rang udhar,
Kaisa hai cchaya nasha, kaisa hai chadha rang,
Na hum hein bheege, na humne pee hai bhang.

Janaza nikla armaano ka, to mar se gaye hum,
Phir bhi hein zinda, shayad baaki hai sehna kuch gham.

Kya tumhein hai khabar, deewane hein iss kadar,
Tumse hi hoti shyam, tumse hi ho sahar,
Khayalon mein bhi tu, tu hi aaye nazar,
Teri har ada ne kiya, jaane dil pe kya asar,
Tere ishq mein tadpein itna, ke mar bhi jayein agar,
Bas yahi gham rahega, kya tumhein thi khabar.

Kuch purani yaadon ke sukhe patte bikhre pade hein zindagi ki cchaon mein,
Intezaar hai uss hawa ka jo aakar ise uda le jaaye.

Aapki naadaniyon par har baar hum chup rahe hein,
Chaha bolna iss baar to aadat se apni majboor huwe hein,
Ab sochte hein ki aapki ghaltiyon ko aapki aadat samjhenge,
Aur iss baar ki tarah har baar chup rahenge.

Hum karte gaye maaf aur aap bhulte gaye apni khata,
Ab kehto ho ki tumari hi galti tum hi bewafa.

Wednesday, April 14, 2004

Kaisi Shayari..

Aaj ke zamaane ki shayari bhi kaisii,
Kaagaz ke phoolon mein basi khushboo ho jaisi,
Na ispe koi bhanvra baitha na inpe khile koi kali,
Munh se jo bhi nikla usko shayari karli.

Saturday, March 13, 2004

Koi Baat Nahin...

Sabse juda hun mein to koi baat nahin,
Sabse juda rehna pade to koi baat hogi,
Koi meri taraf na dekhe to koi baat nahin,
Mein sabse nazrein churaun to koi baat hogi,
Mujh par jo beeti woh na samjhe to koi baat nahin,
Mein sabke dilko na samjungi to koi baat hogi,
Kya ho jo koi pyaar na kare mujhse,
Mein kisiko na chahun to koi baat hogi.

Nahin Milti.....

Dil ki sab khahishein kabhi puri nahin hoti,
Har raah mil bhi jaye par manzil nahin milti,
Pyaar ho bhi jaye aapko kisise agar,
Pyaar karne ki ijazat sabko nahin milti,
Chahe jitni bhi karlo tum bhalai magar,
Marne se yahaan sabko janat nahin milti,
Sagar ki boond se banta hai moti to kya,
Sagar ki har boond moti nahin banti,
Hanske jeena hai chahe jo mile hamein,
Insaan banne ki naimat sabko nahin milti.

Kyun ?

Kyun pyaar karne ki hadein hoti hein,
Kyun dil dene ki waje hoti hein,
Kyun jazbaaton ko dabana padta hai,
Kyun iss dil ko samjana padta hai,
Kyun har dil ko ye mehsoos nahin hota,
Kyun sabko ye manzoor nahin hota,
Kyun dil se dil nahin milta,
Kyun pyaar ka phool nahin khilta,
Kyun dil ke naghme dil nahin gaata,
Dil mein kya hai ye keh nahin pata,
Kya dil dene ki yahi saza hai,
Kya pyaar karne mein yahi mazaa hai.

Seekh Liya...!

Apne dard ko chhupana seekh liya,
Har baat par muskuraana seekh liya,
Aap jo kahein woh karte rehte hein,
Apne armaano ko dabana seekh liya,
Yakeen na ho to azmaan kar dekh bhi lo,
Hum to yahi kaheinge ki humne jeena seekh liya.

Mushkil...

Gham se bhare pyale mein khushi ki kuch boonde hein,
Ye bhi chhalak gayin to jeena mushkil hoga.


Iss nachiz se umeedein to bahut hein par,
Kitana khara utrengi aao dekhein milkar.


Aapne itna pyaar itna yakeen humpar jo hai kiya,
Koshish rahegi ki zindagi mein jalta rahe khushi ka diya.

Tera Pyar...!

Meri har shayari par tere pyaar ki mohar lagalun,
Tere har khayaal ko mein apne dil mein basalun,
Koi pooche to kahun mein tera hi afsana,
Yunhi karte mein shayad tere dil ko apna banalun.


Pyaar karte hein tumse keh to dete hein sabhi ,
Pyaar nibhaane mein phir aati hai kyuh kamin.


Tujhe bhulaane ki koshish teri yaad dila gayi,
Dil se yun guzri ke meri neend chura gayi,
Ab to aalam ye hua hai ki "Sagar",
Dil ki har dhadkan mein bas tu sama gayi.

Friday, March 12, 2004

Ehsaas...

Kisi aur ki khushiyon mein jo khush hona aapko ganwaara na hua,
Hum to issi umeed pe jee rahe hein ki kya ho gar apno ka sahara na hua.


Apne armaanon ko dil mein dabake jeena hai,
Apne ghamon ko muskurake peena hai,
Bahut jee liye hum zindagi apni,
Ab apne liye nahin apno ke liye jeena hai.


Pal pal se banta hai ehsaas,
Ehsaas dilata hai vishvaas,
Vishvaas se bante hein rishte,
Rishton se banta hai koi khaas.

Koi Bas Nahin..

Rishton ke aage umeedon ki deewaron ko na uthnedo,
Ye pyaar se pale hein inhein pyaar se dhalne do.

Tere ishq mein tadpenge isska koi gham nahin,
Pyaar ik tarfa ho to bhi kuch kam nahin,
Tere didar se chalti hein ye saanse meri,
Dil mein basi chahat par koi bas nahin.

Kyun sochke usi daayre mein khada patein hein khudko,
Jahaan bhi nazar jaye wahan pate hein sirf tumko,
Chahein bhi to nahin bhula sakte hum tumhein,
Tum chaho to bhi na yaad rakh sako humko.

Aapki Dosti....

Umra bitaane mein humne tarakki karli,
Jite huve ek zindagi aur jee li,
Kya khoya kya haasil hamein maloom nahin,
Humse jo bhi mila humne dosti karli.

Meri wafaon ki khushiyan raheingi saath tere,
Humein to jeene ke liye bahut hein gham tere.

Ghamon ke raaston par khushi ke kuch pal hi kafi hein,
Hum ji rahein hai jiske sahare woh koi aur nahin aap hi hein.

Yaadein...

Kya safar kya mausam kya saza,
Jahaan mile eeshwar woh hi asli mazaa.


Yunhi baithe rehte hein hum jis aashiyaane mein,
Aaj milon ka safar hai usse nazarein milaane mein.

Chehre pe layee muskaan aapki yaadein,
Har saans layee tufan aapki yaadein,
Dil yun hi to nahin dhadakta aise,
Har dhadkan mein samai aapki yaadein.

Fasaane..

Kya sher kya nazm kahun mein aakhir,
Teri saal girah ke nahin hai kaabil,
Teri taarif mein alfaaz bhi hein kum,
Tu khush rahe bas yahi chahte hein hum.


Kahin na kahin mere jazbaat chhupe hein aapke jazbaaton mein,
Yahi wajah hai ki hum bhi ro pade aapke fasano mein.

Badi der se aaya hai safar ka samaan,
Dil ki dhadkane aaj phir hai javaan,
Kaisa hoga apno ko milne ka samaan,
Ab to bas chalun mein wahaan.

Waqt...

Haath se jo phisal gaya woh waqt hi tha,
Jakdi hui jo reh gayin woh yaadein thi.


Saare jahaan ka husn simat kar tujhme samaya,
Tera didar dilon mein tufan sa laya,
Teri chahat mein logon ne khudko deewana paya,
Kisiko na baksha tune sabpe pada tera saaya.

Wahi purani dil ki zameen par,
Vishvaas ka hal chalao,
Shraddha aur budhhi ki maati bichhao,
Phir usme sadvicharon ke beej boa,
Phir pyaar ki baarish se jo
Phool khilenge woh hi "Swadhyay" hai.

Mere Jazbaat...!

Har kisine iss dil ko di hai ye bekarari,
Mere jazbaton se khelne ki ab tumhari hai bari,
Tum bhi ye ehsaas dila hi dena mujko,
Kisi kaam nahin aati ye dil ki bimaari.

Tum hamaare ho iss ehsaas se hein zinda,
Warna hum to the khud se bhi sharminda,
Teri chahat ne hai kiya karam,
Warna khudse nazrein nahin milate the hum,
Tu hi laya hai iss virane mein bahaar,
Warna kahaan aata tha iss dil ko karaar,
Shukriya mujpe aane wale o dil,
Ab tu dariya, tu hi mauj aur tu hi saahil.

Mera Haal...

Samajh ke tere dil ka haal phir bolun zubaan se mein kuch,
Meine bhi bahut chot khai hai mujhse mera haal na pooch.

Aaj jo gham hai woh nahin hota,
Aankh jo nam hai woh nahin hoti,
Har taraf khushi ka nazara hota,
Gar tumne dil se pukara hota,
Hum bhi kehte chahte hein tumhein,
Gar tumne hamein chaha hota.

Ek hi nazar mein chura liya hai dil,
Hum hi dekha kiye hum hi the kaatil.

Tu Aur Mein.......


Tu baitha hai dil mein to hun mein,

Har saans hai teri par jiyun mein,
Tu haath phiraye to sovun mein,
Tujhe neend na aaye jo rovun mein,
Tu baitha hai dil mein to hun mein.......

Bin maange mila jo na sochun mein,
Tujhse mangta javun na rukun mein,
Tu saath na chhode chhodun mein,
Tu baitha hai dil mein to hun mein.......

Tere kaam na aavun na daudun mein,
Tu har wada nibhaye todun mein,
Tu preet jagaye aur ladun mein,
Tu baitha hai dil mein to hun mein......

Tere pyaar ko bhi na samjun mein,
Tu samaj hi jaaye na bolun mein,
Tujhe dhoondhne javun kya paoon mein?
Tu baitha hai dil mein to hun mein......


Ab chahun samajna tujhe hi mein,
Tu bhi wahin hai jahan hun mein,
Ab kaise jatavun kaise batavun mein,
Mera pyar kaise tujhe dikhaun mein,
Sab hi kuch tera kya chadhavun mein,
Tu sab mein hai ye sabko bataun mein,
Mujh tak jo pahuncha aage pahunchavu mein,
Tera kaam karun aur tujhe hasaaun main,
Tu hase agar to khush ho jaon mein,
Tu baitha hai dil mein to hun mein........
****************************************

Auron Ki Khushi....

Ek hi hasrat hai chehre pe woh khushi aapki,
Ek muddat se nahin dekhi woh hasin aapki.


Iss darde dil ki dava koi to de jaye,
Khushiyan raas nahin aati koi gham de jaye.


Tujko sunake haal dilka phir tasalli ho mujko,
Kyun karein kisi aur ko bayaan jab maan chuke hein khuda tujko.

Auron ki khushi mein ye aankh bhar aaye,
Apne liye hi kam padte hein ye aansoo mere.

Friday, January 10, 2003

Kuch Aur Hi Hai..

Aaj bujh gaye hein ghar ghar mein diye sanskar ke,
Maa baap bhi kimat maangte hein bachon ko sambhal ke,
Sirf matlab se bante hein rishte bhi yahaan pyar ke,
Kaisi duniya hai jahaan jiya bhi jata hai doosron ko maarke.
-Saagar

Iss mausam mein apna andaz kuch aur hi hai,
Barsaat bhi hai bijliyaan bhi magar,
Pehli dhup ka maza kuch aur hi hai,
Har baar ye kehte hein pyar hai magar,
Iss baar ye nasha kuch aur hi hai,
Shabnam bhi hai, phoolon mein khushboo bhi magar,
Teri saanson ki mehek kuch aur hi hai,
Tu hasein to hasnte hein hum bhi magar,
Tere roothne ki ada kuch aur hi hai.
-Saagar

Waah..!

Kuch sunane ki chahat dil mein badhti gayi,
Hamare sunane pe unki waah jo nikalti gayi.
-Saagar

Naya Saal..


Naye saal ka naya pal naye palon ki nayi khushiyan,
Waqt to beet jaata hai par badalti nahin ye duniya.
-Saagar

Gham ko itna na paas bulao ke,
Khushi tumhein door se dekhe,
Abhi waqt hai sambhal jao badme,
Shayad gham bhi na tumhein poocche.
-Saagar

Thursday, January 09, 2003

Ghaur Farmaye...

Iss bhid mein bhi mein tanha kyun hoon,
Pehchaani raah se bhi anjaan kyun hoon,
Kya meri nazar ka fark hai ye, doosron se
Nahin to khud se pareshan kyun hoon.
- Saagar

Meri aankh se aansoo nahin tere diye hue zakhm beh rahe hein,
Woh gham jo gairon se mila karte the aaj apne de rahe hein.
- Saagar

Itna to mujhe pata hai ki kitna pyaar karte ho,
Jab bhi aaina dekhte ho mujhe yaad karte ho.
-Saagar

Dil ke raaston aur soch ki galiyon se guzarte dekha,
Pyaar aur jazbaaton ko yahaan kuchalte dekha,
Zindagi ko mohabbat ka naam kaise de jahaan ,
Har shakhs ko hamne zindagi mein badalte dekha.
Saagar - on 27th Nov, 02 at 3:30 pm.



Kaisa Hai Ye Pyar ?

Hamare jazbaaton se woh yun khelte hein,
Jaise baagon mein roz log tehelte hein,
Aasaan nahin hai rishte banaye rakhna,
Woh to hum hein jo unhein jelte hein.
- Saagar

Tere bina bhi ye dil nahin manega,
Tujhse juda rahun ye dil nahin chahega,
Tere saath beete har pal ki kasam,
Ab aa jao varna mera janaza jayega.
Saagar - on 26th Nov,02 at Medic


Kyun pyaar hai ye jooth jatate ho,
Mein tumse zyada pyaar karta hoon,
Har baar ye keh kar rooth jaate ho,
Bas itna hi pyaar hai tumhein mujhse,
Ki jabhi aate ho mujhe rula jaate ho.
Saagar - on 26th Nov,02 at Medic

Zindagi Meri..

Aaj hamari didi ka hai janmdin,
Jo hai dashehra ka bhi shubhdin,
Khushiyon se bhari rahe zindagi aapki,
Yahi duva karte hein aaj ke din.
Saagar - 15th Oct, 1:00pm for my sis again...


Khushiyon ki dori mein pyaar ke,
phoolon ki tarah mehekte hein,
Insaan woh hein jo sirf apne liye,
nahin doosron ke liye jeete hein.
Saagar - on 25th Nov, 02 Evening...



Apne khushiyon se bhardi zindagi meri,
Aapka shukriya kaise karein hum,
Aaj khudse ye waada hamara,
Har pal khush rahe mera sanam.
- Saagar

Rishte...

Hak hai aapka to keh diya hota,
Galti thi hamari to daant diya hota.
- Saagar

Jab se hai meine hosh sambhala,
Woh ban gaya hai mera meet,
Har pal woh mere saath raha,
Yahi hai uski reet,
Jab badhte gaye saal mere,
Usse badhne lagi preet,
Har dil mein basta hai woh,
Ussise sabki jeet,
Kitna madhur kitna pyara,
Dost hai mera naam hai "Sangeet".
Saagar - Yes, I love music........


Raaton ki tanhayee na tanha rehna chahein,
Mujhe na sone dein na khud sona chahein.
Saagar - Someday, when i had no sleep...



Aaj mandir aur masjid ke naam pe hai halla,
Inn dono ke beech piske reh gaye ram aur allah,
Ab kya karein kahan jaayein soch rahe hein dona,
Jis dilon mein rehte the aaj usi par hai hamla,
Ye jaat-paat aur unch-neech ki ladai kab bandh hogi,
Kab bujega dilon mein bhadakta shola,
Kab shant hogi desh ki har gali har muhallah.
- Saagar

Rishton se aage ek jahaan,
Pyaarse badhkar kuch wahaan,
Hamsi betiyaan to bahut ,
Par aap jaisi 'Maa' kahaan.
Saagar - I wrote this for my 'maa'.



Aapke janmdin pe kya likhun behna,
Aisi behen paai hai jiska kya kehna,
Chaand aur suraj si lambi umra ho aapki,
Jis tarah muskurati ho usi tarah muskurate rehna.
Saagar - On 3rd May, 02 at 8.30pm for my sis....

Mana Lo..

Aisa bhi kya ke aap humse itna rooth jayein,
Jaayein to jaayein hamse nazrein bhi milakar na jaayein,
Kya yahi hai dastoor pyaar ka "saagar",
Ke sajni roothein to saajan mana bhi na paayein.
-Saagar

Beete Pal....

Inn yaadon ke jhulon par woh beete pal baithe hein,
Jo saath guzaare hamne dekho woh kal baithe hein.

Saath

Ham apne liye hi jeete hein hardam,
Nahin sochte usko jo hai saath hardam,
Sulata hai jagata hai woh kya nahin karta,
Theherta hai chalta hai jab hum badhate hein kadam.
- Saagar

Hum raat ko dekha kiye to subah ho gayi,
Neend na aayi aankhon ko to aaj phir der ho gayi.
-on 5th May when i couldn't sleep...

Wednesday, January 08, 2003

Gham..

Zindagi ke har gham ko hamne pi liya hai,
Nahin diya hai kisiko ise hamne ji liya hai.

Aaj Kal...


Apne bhi dil se nahin bolta koi aaj kal,
Pyar ko bhi thukrata hai har koi aaj kal,
Kisiko bhi kisise juda hone ka gham nahin,
Apno ko bhi bhula deta hai har koi aaj kal.